Kori Pilpintu

Khota patana, laramaru

Pilpintu jalasqui;

Tchekanacapajh kkellu kori

Intirú khajasqui.

Chojña umancan uñantasisa

Thianraq muspfasqui;

Pparjhtasinsti payapach juchchusa

Wajhrapas qjuitasqui.

Khellu pilpintu, jalaquim

Kori pilpintu

Muspfaquim!

Totoranacan pfisnaquiwa

Pilpintu anatasqui

Churi sak pankararu uñtata,

Jiwaquiu sayaski.

Acsajhata cjursajharu, thijwa,

Tchacquiriu sarasqui;

Kori pfuyuspasa ucjamaraqui

Thayawa cjuitasqui.

¡Khellu pilpintu, sarasquim,

kori pilpintu jutjhaquim!

Chuimanjh ma pilpinturaquiwa,

Tchekanaca aptasqui;

Laram samcana khoma kori

Muncañan khantasqui.

Take llaquinacat apthapita,

Jawirau kamasqui;

Cusisiñanacamp sartayata

Suyawa jaltasqui.

Suma pilpintu, kantaquim

Samca pilpintu

Utjáquim!

Traducción al aimara por Yolanda Bedregal.