Jaippu Ururi Warawara

Jaippu ururi warawara,

Khoma jankho llipfipiri;

Alajhpachansa, ajayunsa

Kollke khamaña wiyiri.

Uru irnak pfokasqui ucajha,

Jumau jacañ samaraita,

Chchiar purquiri arumarusa

Jankhomanpiu koñachaita.

¡Wali khajiri alajhpacharu;

suma khaniri chuima mankharu!

Aca jiskka jacañajha

Takewa jankka tucusi,

Khanamasti wiñayawa

Jaipunacana warcusi.

Jumaru uñtamtan ucajha,

Chuiman wali khanau manti,

Mankhan kotaru uñtatasti

Yakha alajhpachajamau khanti.

¡Wali kkajiri alajhpacharu

Suma khaniri chuima mankharu!

Jaippu ururi warawara,

Achachil cusiyiri,

Wali cauq chchamajpachati

Jankko nina nactayiri.

Ucjamaraqui khepatjha

Yakha jakenacataqui:

Llampu kollke willirchita

Jacañ sumachañataqui.

¡Wali kkajiri alajhpacharu;

Suma khaniri chuima mankharu!